واك واك أ عباد الله فلوسنا كايطحنهوم “الكوركاس”

المحرر العيون

 

واش كاين شي محاسبة فهاد لبلاد ولا غير المزايدات السياسية؟ واش حزب العدالة و التنمية حقق هاداك شي لي كان كايواعد بيه المواطنين ولا غير كايصفي حساباتو مع الخصوم السياسيين؟ واش لمغاربة عارفين شحال كايطحن “الكوركاس” ديال لفلوس بدون أية فائدة ولا ما عرفينش؟؟؟؟

 

أسئلة لاتزال في امس الحاجة الى جواب، في ظل الاموال الطائلة التي لاتزال تضخ في صندوق مجلس مشلول لم نسمع عنه اي مستجد مند عقود، و ان كان السيد خليهن ولد الرشيد، يعتبر من بين الرجال الذين يستعصى على الحكومة بكل وزرائها محاسبته، ديرو ليه صالير و سدو هاد الكوركاس راه فلوس الشعب هادوك و اللهم نص خسارة ولا خسارة.

 

دابا هاد الكوركاس، لي بان انه مبادرة فشلت كيما فشلات بزاف ديال المبادرات لي درتها الدولة باقتراح من شي نصابة، واش غادي يتفرض على الشعب يبقى يخسرو عليه لفوس من الضرائب؟ و أشنو دار هاد خليهن ولد الرشيد كاع حتى يبقى هو و الكوركاس كاطحنو ففلوس الشعب فابور؟ و اش بغا يكون كاع فملك الله حتى نخافو منو و يخلعنا مانكتبوش عليه؟

 

الرسالة موجهة الى سيدنا، لأنه الوحيد لي يقدر يدير شي حاجة، فوقت مازال فيه بنكيران كايسمع لقصر و كايديرها فسروالو، راه هاد الكوركاس ما خدامش، كون غا حليتيه ا سيدنا و لفلوس لي كاتخسر عليه واخا ديروها كارطيات للضعفاء فالصحراء، والله لا بقى شي انفصال الداخل، راه الناس كايبغيوك أ سيدنا ولكن قلة الشي و الفقر كايخلي بنادم يكفر كاع ماشي غير يولي انفصالي.

 

واش دابا خليهن ولد الرشيد خاصينو لفلوس لي مازال مسيطر على ميزانية ربما كاتعادل ميزانية ديال دولة، و المشكل بلا حتى شي فايدة، و باراكا الله يجعل شي باراكا واش كليتو شربتو؟ و نوضو غسلو يديكم و خليو هاد الدراوش يعيشو شوية و بزااااااااااااااااف.

مقالات ذات صلة

زر الذهاب إلى الأعلى