رشيد الوالي ينتقد حكام الجزائر..فالأزمات خاصنا ننساو خصامنا ونمدو يدينا للإنسان

وجه الفنان المغربي رشيد الوالي انتقاذا لاذعا للجزائر بعد رفضها المساعدة التي اقترحها المغرب لإخماد الحرائق التي اندلعت في مناطق بالبلاد.

وقال الوالي في منشور على حسابه في الأنستغرام: “عارف باللي حتى واحد فينا معاجبو اللي واقع لخوتنا، العافية اللي كتاكل لخضر واليابس وبنادم واقف يائس.. فالأزمات خاصنا ننساو خصامنا ونمدو يدينا للإنسان بدون حتى نعرفو دينو ولا جنسيتو حيت هو إنسان”.

وتابع الوالي حديثه بالقول: “زرت بلادهم بزاف ديال المرات، ودايما الناس كيستقبلوني بكل حب واحترام عارفين أعمالي ومتبعين جزئيات من حياتي، وفكل مرة كنتوادعو بالدموع وعلى أمل تزول الحدود، وليوم كيتبخر هاد الأمل ولوجع كيزيد يتعمق”.

وأضاف: “بأي حق نخبة كتعطي لنفسها الحق ترفض تفتح الباب وكنرجعو للماضي ونقطة الصفر. الأروبيين تقاتلو وذبحو بعضهم لأكثر من ألف سنة، ولكن هادي سبعين عام قررو يوقفو الكره لأن الحرب والحقد كلشي خاسر فيه، وحنا ليوم مبغيناش ناخدو الدرس”.

وزاد الممثل المغربي: “ولكن ميمكنش نعرف بالي خويا كتشعل فيه عافية واللي مسؤول عليه كيقوليه متمدش يدك وموت بشرف اشناهو الشرف؟ خرج من المكيف لي أنت جالس تحت منو ودوق صهد النار، وشوف آش تختار، كنتمنا نرجعو للإنسان اللي فينا، ونمدو يدينا ونبداو من جديد ونشكلو قوة من لحديد، أنا وأنت مفروض حنا خوت حتى للموت، ولكن إلى منسيناش اللي فات، وداعا للحياة”.

واختتم الوالي تدوينته بالقول: “أنا شخصيا سامحت للي خرجو أبرياء فنهار العيد وفرقوهم على ولادهم وحبابهم وممتلكاتهم، ماشي حيت معندي نفس ولكن كان لازم ندير نقطة ونرجع للسطر، وتحملت وقلت نصبر. عزائي فاللي ماتو والله يرزقهم الصبر والسلوان.. أحبكم”.

زر الذهاب إلى الأعلى