فتاة تكسر أسنان ووجه رجل تحرش بها في الشارع وتلقنه درساً قاسياً (فيديو)

تعرضت فتاة مصرية للتحرش من طرف رجل في الشارع، إلا أنها تصدت له ولقنته درسا قاسيا.

وفي مداخلة لها مع برنامج “حضرة المواطن” على قناة “الحدث اليوم” قالت الفتاة التي تدعى صافي ترك إنها لقنت المتحرش بها درسا قاسيا وأوسعته ضربا، حيث إنها تلعب ملاكمة كهواية وليس احترافا، وكانت تمشي في الشارع، لكن أحد المارة وصف جسمها بطريقة ليست محترمة، بحسب قولها.

وأضافت: “تكلم عن جسمي بطريقة مش محترمة، لفيت له وقلت له بتقول إيه يا (…)، لقيته بيجري، جريت وراه وقعدت أصرخ وأقول حرامي”.

وتابعت: “الناس أول ما سمعوا كلمة حرامي، اتجمعوا عليه وضربوه، وأنا ضربته معاهم، وقعد يحلف، فلما سألوني سرق مني إيه، قلت لهم مسرقش لكن اتحرش بيّ، وده قلته في الآخر خالص، لأني لو قلت كده هيسيبوه وده اللي حصل فعلا”.

وأوضحت: “كسرت له سنتين من أسنانه بالبوكس في وجهه”.

وواصلت: “أنصح كل البنات إنهم ميخافوش لأن المتحرش جبان، هو أجبن شخص موجود على الأرض، لأنه بيبقى خايف وبيبص حواليه يمين وشمال لأنه عارف إن اللي بيعمله غلط، وبقول لكل بنت متخافيش وجيبي حقك بنفسك، لأنك لو استنيتي إن حد يجيبلك حق، محدش هيجيب لك حق، انتي الوحيدة اللي بتدافعي عن نفسك”.

ولقيت “صافي” إشادات واسعة على مواقع التواصل الاجتماعي في مصر، حيث وصفها المغردون بأنها “بطلة” كونها تصدت للمتحرش ولقنته درسا لم ينساه.

 

زر الذهاب إلى الأعلى