من الخيمة خرج مايل: العماري سرق فكرة الموطور و سرق تا العنوان ديال الحملة
المحرر الرباط
من الخيمة خرج مايل، شي وحدين من الزملاء بقاو كايتساءلوا كيفاش الفيلم ديال الياس العماري لي خرج من الفندق و ركب على موطور، و الكل كايعرف بلي هاد السيد لباسون عليه و ماخاصو حتى خير، من غير راتب الجهة لي مرة يقول كايشدو و مرة ينكر.
المهم أ خوتي كاين لي قال واو شوفو التواضع ديال سي الياس، و كاين لي قال داير حملة شوفوني داير الكاسك، و بعض الاخوان قالوا هذاك غا سايق و صافي ما عارف راسو فين غادي ولا منين جاي، تسولو على مشروع حزبي يقول تقنين الكيف و محاربة التأسلم…
عمكم الياس العماري راه عارف اش كايدير، و الا ركب على موطور راه ماجاش و دارها، راه سارقها، اه نعام أ سي سارقها من الحملة ديال هولاند، و سارق معاها حتى الشعار… واش هاد شي فيه حقوق الملكية يتابعو هولاند ولا السياسة ديال فرانسا حتى هي بحال لي عندنا؟ غير جمع جوقة ديال الناس و دير حزب و دير لي عجبك؟؟
