الرابور موبيديك لي كان يضل يسب فالمخزن حيد السروال للبام

المحرر الرباط

 

ها واحد من المناضلين طاح على هامش الطيحات لي طاحو بزاف ديال المناضلين، و ها هو مغني الراب الملقب ب “موبيديك” لي كان يظل النهار و ماطال يسب فالمخزن، كايغني للبام، و يضرب فحزب واحد اخور، و هو ما يفتح الباب على مصراعيه باش تطرح أكثر من علامة استفهام حول “السيمة” لي مقادين بيها المناضلين ديالنا.

 

البارح “الحاقد” غير وصل خارج المغرب و هو يكتب لهادوك البعكاكا لي يضلوا يسمعوا ليه “الا ماكنتيش شي واحد مهم مانجاوبكش”، و دابا سي موبيديك، و قبل منهم البيغ لي كان يغني بلادي بلاد و زيد وزيد، شحال من مناضل قلب الفيستا بمجرد رؤيته للمصلحة، و كايجيو شي ميخيات يبداو يسبو فلشكر محيت ستافد من بقعة فطريق زعير.

 

المهم مع التركيبة لي مقادين بها المناضلين ديالنا، كونو على يقين من أننا الشعب الوحيد فالعالم لي ما يليق ليه غا البصري و سنوات الجمر و الرصاص، و تاكدوا بأن اكبر غلطة دارتها الدولة ديالنا هي أنها عطات الحقوق للمواطن، و دارت مادارو هادوك عزاوا لي عطاو كالاش نيكوف لقرد، فواحد الفيديو كان داير شي يمات.

مقالات ذات صلة

زر الذهاب إلى الأعلى