المحرر الرباط
ياك كانقولو ليكم سي الياس العماري غير كايخور و انتوما ماكاتيقوش؟ ياك كانقولو ليكم راه غير كايحفظ و يعرض و انتوما ماكاتيقوش؟ ياك كانقولو ليكم السيد راه الدكتوراه عندو فعلم الاسلاميات ولا علاقة له يالسياسة و ماكاتيقوش؟
أيها المواطنون اسمعوا و عوا، أمين عام حزب سياسي ما بقا ليه غير يدعي النبوة، ماعارفش شكون لي كلف وزير الداخلية و وزير العدل و الحريات بالاشراف على الانتخابات، و كايقول بلي راهم مكلفين من طرف الحكومة؟؟؟ واش هادي زلة لسان؟ واش سي الياس ماكاينش فهاد العالم الله اعلم.
المهم رجل في منصب العماري، يقود حزب فالمكانة ديال التراكتور، راه حشومة و عيب و عار مايعرفش بلي حصاد و الرميد راه الملك لي عينهم باش يسهروا على الانتخابات، و ماشي الحكومة لي الاختصاص ديالها هو تعيين اتباع العدالة و التنمية فالمناصب السامية.
المهم أ لخوت غير بقاو تميزو لكلام فين غادي راه غادي تكتاشفو مصائب، و مايتلفوكمش بهاديك “بلدكم جبل جوهره مانعرف اشنو..” راه بلادنا هي البلاد الوحيدة لي كايضرب فيها الزلزال و كايبانو موراه شخصيات نكره كاتولي لاباااااااااااس عليها.
