دابا الشيخ بنحماد لي ولدو فالحبس بسباب داعش غادي يربي ولاد الناس؟

المحرر الرباط

فاش كاتسمع بلي ولد الشيخ عمر بنحماد، شدوه فالجزائر كان غادي يلتحق بداعش، و الحمد لله الجزائريين لي شدوه ماشي لمغاربة، باش ماينوضوش العشابة يقولو بلي المخابرات كاتنتاقممن الاسلاميين، و فاش كاتسمع بلي سماحة الشيخ داير لعشيقتو سمية راجل باش ما تحصلوش مرتو، راه شيء عادي يحصل فالطوموبيل فالقمقوم، و هو بصدد قمقمة لعشيرة ديالو.

سي بنحماد لي من المفروض أنه داعية و استاذ جامعي و فاعل ديني، خاصو يتعرض لمحاولات داعش لاختراق الشباب المغربي، ماقدرتش يحمي حتى ولدو من هاد التنظيم الارهابي، الشيء لي كايخلينا نطرحو أكثر من تساؤل عن الطريقة لي غادي يربي بها هاد السيد ولاد لمغاربة، و نوعية الدعوة لي كاينشرها تحت مظلة الاصلاح و التوحيد.

و لكن فاش كايتلاقاو لقوالب المتمثلة في تسجيل اسم العشيقة باسم منشد اسلامي، و النفاق المتمثل في ارتداء الجلابة و اللحية باش نبانو للناس ملتزمين، ما يمكن ينتاهي الامر الا فمخفر الدرك الملكي بفضيحة يتخللها كلينيكس و صابونة، مع الستة ديال الصباح، و ما خفي كان أعظم.